Churer Fasnachtsvereinigung Ilogga! Programm! Idrück! Nöigkeita! Über üs! Mitglieder! Startsita!


Start zur Fasnacht 2016
 (02.11.2015)
___________________________________________________________________

Allegra lieba FasnächtlerInna

Alässlich vur GV vum letschta Fritig het üsa langjöhriga Präsident sis Amt zur Verfüagig gstellt. Miar möchten am Franco an dera Stell recht herzlich für sini diktatorisch Herrschaft danka und freuen üs, dass er au witerhin a aktivs Mitglied bi de Gipfelstürmer blibt.

Im Zuge vu de "Verjüngerig" bi de Gipfelstürmer isch neu de Mirco, wo schu bald sit 30 Johr bi de Gipfelstürmer isch, als Präsident gwählt worda. Au ihm danken miar an der Stell recht herzlich und wünschen viel Spass bi sina neua Ufgaba.

Witr freut es üs, dass miar de Jan und Dani A. eu ab sofort als vollwertigi Mitglieder vu de Gipfelstürmer präsentiera töffen. Si hend sich i ihrem Aspirantajohr usgezeichnet gschlaga und somit dUfnahm bi de Gipfelstürmer meh als verdient.

Am Carlo und Christoph T. stoht zAspirantajohr no bevor. Alässlich vur GV sind si für dFasnacht 2016 ufgnoh worda. Bir nögsta GV wird über Ihra Verblieb bi de Gipfelstürmer denn entschieda. Miar wünschen Ihna uf jedafall viel Spass und freuen üs gmeinsam uf dFasnacht 2016, weli übrigens am 06. Februar si wird.



Idrück vu 2015 online
 (23.02.2015)
___________________________________________________________________

Miar hend für eu dBilder vu de diesjöhriga Fasnacht online gstellt. Miar wünschen eu viel Spass bim betrachta und falls iar no witeri Bilder hend, so törfen iar dia gern an üs senda :).


Fasnachtsdata bis 2018
 (21.02.2015)
___________________________________________________________________

Miar hend für eu dFasnachtsdata bis und mit 2018 zämmagsuacht und unter Programm veröffentlicht.

Wia dia vergangene Johr planen miar natürlich eu au witerhin mit provokative Themena an dr Fasnacht zbelustiga und freuen üs hüt schu uf dia kommenda Narratäg.


Nöi Mitglider
 (22.11.2014)
___________________________________________________________________

Alässlich vur disjöhrige GV vu de Gipfelstürmer hemmer de Jan Birzele als Aktivmitglied bi üs ufgnoh. Nochdem das er sich im vergangena Johr als Aspirant meh als behauptet het.

Witr freud es üs, dass miar das Johr zwei neui Aspiranta in üsem Kreis Willkomma heissa töfen. Es sind das de Jan von Tscharner und de Dani Angst. Wenn Sie sich guat machen, werden au Sie nögst Johr an der GV als Aktivmitglied ufgnoh.



Nöigkeite & Fotina online
 (26.06.2014)
___________________________________________________________________

Au miar hends wieder mol gschafft und hend dia letschta zwei Johr no mit Fotina und Nöigkeita ufgschalta. Au hend miar a paar neui Mitglieder griagt, weli miar an dera Stell herzlich Willkomma heissen.

Miar freuen üs hüt schu uf dFasnacht 2015 und hoffen, eu wieder zgseh!


Bilder Umzug online!
 (21.02.2012)
___________________________________________________________________

Soeba hemmer eu unter "Idrück" a paar wenigi Bilder vum Umzug 2012 online gschalta. Falls du no witeri Bilder vum Umzug und insbesondere vu üs hesch, so meld di doch bi üs wia Kontaktformular. Viela Dank.


Endlich online!
 (01.02.2012)
___________________________________________________________________

Guat 2 Wucha vor dr Khurer Fasnacht könn miar eu endlich üsi Vereinssita zeiga.

Nebst em Waagabau hemmer in de letschta Wucha au flissig Informationa vu de vergangena Johr vu de Gipfelstürmer zämmagsuacht und do uf gipfelstuermer-chur.ch veröffentlicht. Natürlich fehlt no zeinta oder zandera Johr, aber miar sind zuaversichtlich, dass miar eu au dia Informationa no zur Verfüagig stella könn.

Miar wünschen eu viel Spass uf dr Page und ma gseht sich spötistens am 17. Februar bim Start vu de Khurer Fasnacht.